Prezıdent kásiporyndardaǵy ólim-jitim jaıynda: Qoǵam ádiletti jáne kidirissiz is-sharalardy kútedi

ASTANA. QazAqparat – Osy jyldyń 11 aıynda elimizde óndiris oryndarynda 157 adam mert boldy. Bul týraly Úkimettiń keńeıtilgen otyrysynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Óndiristik jaraqattaný shynaıy problemaǵa aınalyp otyr. Osy jyldyń 11 aıynda óndiriste 1 124 jumysshy zardap shegip, onyń 157-i mert boldy. Jekelegen kásiporyndarda adam ólim-jitimi bar apattar júıeli sıpatqa ıe bolyp otyr. Sóz «ArselorMıttal Temirtaý» kompanııasy jaıynda da bolyp otyr», - dedi Memleket basshysy.

QR Prezıdentiniń dereginshe, atalǵan kásiporynda 2006 jyldan beri 20-dan astam apattan, 100-den astam adam mert bolǵan.

«Osy jyldyń ózinde ǵana 14 adam, onyń ishinde ótken aptada ǵana 1 adam qaza tapty. Memlekettik organdar men qoǵamdyq uıymdardyń esebine sáıkes, kompanııa eńbek, ekologııa jáne salyq zańnamalaryn buzyp otyr, ınvestıtsııalyq mindettemelerin oryndamaıdy. Qoǵam ádiletti jáne kidirissiz is-sharalardy kútedi. Baqylaý tikeleı Premer-Mınıstrge tıesili», - dedi Qasym-Jomart Toqaev.