Prezıdent kásipkerlerge arnalǵan «Ekonomıkalyq lıft» uǵymyn engizýdi tapsyrdy

ASTANA. QazAqparat –Memleket basshysy Qasym-Jomart Toqaev Úkimettiń keńeıtilgen keńesinde kásipkerlerge arnap Áleýmettik lıft» tetiginiń úlgisindegi «Ekonomıkalyq lıft» uǵymyn engizýdi tapsyrdy, dep habarlaıdy QazAqparat tilshisi.

«Áleýmettik lıft» degen uǵymnyń neke ekeni barshaǵa aıan. Bul – kez-kelgen bastamashyl jáne eńbekqor adam mansap satysynda jáne qoǵamdyq ıerarhııada senimdi túrde alǵa jyljı alatyn júıe. Sol sııaqty, biz kásipkerlerge tıimdi jumys isteıtin «Ekonomıkalyq lıft» ornatýymyz kerek», - dedi Qasym-Jomart Toqaev.

Sondaı-aq, Prezıdent óńirlerde tabysty eńbek etip júrgen kásipkerlerge jol ashýdy tapsyrdy.

«Sondyqtan, júıelik sharalardan basqa, aımaqtyq aýqymdaǵy eń tabysty jáne adal kásipkerlerdi ilgeriletý mańyzdy. Olar jańa, ádil ekonomıkany damytýdyń lokomotıvine aınalýy kerek», - dedi Memleket basshysy.

Aıta keteıik, Úkimet úıinde Prezıdent tóraǵalyǵymen eldiń áleýmettik-ekonomıkalyq damý máseleleri jóninde keńes ótip jatyr.