Prezıdent shahmattan áıelder quramasyn quttyqtady

<p>ASTANA. KAZINFORM &ndash; Prezıdent Qasym-Jomart Toqaev shahmattan áıelder quramasyn quttyqtady. Bul týraly Aqordanyń baspasóz qyzmeti málim etti.&nbsp;</p>

– 2024 jylǵy Dúnıejúzilik shahmat olımpıadasynda kúmis medal jeńip alǵan Qazaqstannyń áıelder quramasyn quttyqtaımyn. Bul – qazaq shahmat mektebi men shahmatshy qyzdarymyzdyń tamasha jetistigi. Sportshylarymyz bıik belesterdi baǵyndyra bersin! – dep jazdy Memleket basshysy óziniń H áleýmettik paraqshasynda.

Majarstan astanasy Býdapesht qalasynda ótip jatqan shahmattan 45-shi Olımpıada oıyndarynda Qazaqstan quramasy sheshýshi synda AQSh-qa qarsy oınaıtynyn jazdyq.

Esterińizge sala keteıik, osyǵan deıin Qazaqstan quramasy toǵyzynshy týrda Polshadan basym túsip, 16 upaımen birinshi orynǵa shyqqanyn jazǵan bolatynbyz.