Prezıdent Qasym-Jomart Toqaev Naǵı Іlııasov aýylyna bardy

<p>Memleket basshysy Qasym-Jomart Toqaevtyń Qyzylorda oblysyna sapary Syrdarııa aýdany Naǵı Іlııasov aýylynyń tynys-tirshiligimen tanysýdan bastaldy, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi Aqordanyń resmı saıtyna silteme jasap.</p>

Qazaqstannyń Eńbek Eri, «Abzal jáne K» tolyq seriktestiginiń negizin qalaýshy Abzal Eralıev Prezıdentke kásiporynnyń tabysty qyzmet etip, óńir boıynsha aýyl sharýashylyǵy salasyndaǵy jetekshi mekemege aınalǵanyn jetkizdi. Sonymen qatar ónimdi eńbektiń arqasynda týǵan ólkeniń damýyna turaqty qoldaý kórsetip kele jatqanyn aıtty.

Prezıdent «Abzal jáne K» sharýashylyǵynyń demeýshiligimen salynǵan aýyldyń ortalyq alańyn, sport keshenin aralap kórdi. Sport kesheninde jergilikti halyq fýtbol, voleıbol, ústel tennısi jáne kúres túrlerimen emin-erkin shuǵyldana alady. Memleket basshysy sport kesheninde jetkinshektermen áńgimelesti.

– Sportpen shuǵyldaný kerek. Ásirese, ózderińiz sııaqty jastarymyzdyń deni saý, myqty azamat bolyp ósýi qajet. Sebebi Qazaqstannyń bolashaǵy – sizderdiń qoldaryńyzda. Jastardyń deni saý bolsa, memleket te qýatty bolady. Syr elinen myqty sportshylar shyqqan. Áli de kóptegen chempıondar shyǵady dep senemin, – dedi Qasym-Jomart Toqaev.