Prezıdent Qasym-Jomart Toqaev qazaq-qatar ınvestıtsııalyq dóńgelek ústeline qatysty

<p>DOHA. KAZINFORM &ndash; Memleket basshysy eki el arasyndaǵy ekonomıkalyq qatynastardy damytýǵa turaqty qoldaý kórsetip kele jatqany úshin Qatar Úkimeti men Qatar kásipkerleri qaýymdastyǵyna alǵys aıtty. Bul týraly Aqordanyń baspasóz qyzmeti málim etti.&nbsp;</p>

Onyń aıtýynsha, álem buryn-sońdy bolmaǵan syn-qaterge tap bolǵan qazirgideı kezde saıası erik-jiger men ekonomıkalyq belsendilikti ushtastyrý óte mańyzdy.

– Búgin men Qatar eliniń basshylyǵymen nátıjeli kezdesý ótkizdim. Biz túrli sala boıynsha ýaǵdalastyqtarǵa qol jetkizdik jáne elderimizdiń úkimetterine olardy júzege asyrý úshin tyǵyz baılanysta jumys isteýdi tapsyrdyq. Meniń saparym bizdiń kópjaqty qatynastarymyzdy odan ári nyǵaıtý úshin jańa múmkindikterge jol ashatynyna senimdimin. Joǵary Mártebeli sheıh Támım ben Hamad Ál Tánıdiń basshylyǵymen Qatar zor tabysqa jetti. Kóptegen el sizderden úlgi alady. Sizderdiń ǵajaıyp elderińiz – ekonomıkasy qarqyndy damyǵan, turmys deńgeıi joǵary, qoǵamy órkendegen memleket retinde tanymal. «Qatar – 2030» ulttyq baǵdarlamasynda jańǵyrý men ulttyq qundylyqtar ózara naqty ári erekshe úılesim tapqan. Barsha qatarlyq dostarymyzǵa osynaý ıgi maqsatqa jetý jolynda tabys tileımin, – dedi Prezıdent.

Eske sala keteıik, Prezıdent Qasym-Jomart Toqaev Qatarǵa memlekettik saparmen barǵanyn habarlaǵan bolatynbyz.