Prezıdent Qasym-Jomart Toqaev Qatarǵa memlekettik saparmen bardy
22:13, 13 Aqpan 2024
<p>ASTANA. KAZINFORM – Qazaqstan Prezıdentin Dohadaǵy «Hamad» halyqaralyq áýejaıynan <strong>Qatar Memleketiniń Ámiri sheıh Támım ben Hamad Ál Tánı</strong> qarsy aldy. Memleket basshysyn kútip alý kezinde Qurmet qaraýyly sap túzep turdy. Bul týraly Aqordanyń baspasóz qyzmeti habarlady.</p>
Rásim aıaqtalǵannan keıin memleketter basshylary áýejaıdyń mártebeli meımandar zalynda qysqasha pikir almasty.
Qasym-Jomart Toqaev erteń, 14 aqpan kúni Qatar Memleketiniń Ámiri sheıh Támım ben Hamad Ál Tánımen jáne Premer-mınıstri sheıh Muhammed ben Abdýlrahman Ál Tánımen kelissózder júrgizedi.
Kelissóz qorytyndysy boıynsha birqatar ekijaqty qujatqa qol qoıý josparlanyp otyr.
Sondaı-aq Prezıdent qazaq-qatar ınvestıtsııalyq dóńgelek ústeline qatysady jáne osy eldiń bıznes kapıtandarymen birqatar kezdesý ótkizedi.