Prezıdent birqatar memlekettiń elshilerinen senim gramotalaryn qabyldady
15:31, 21 Maýsym 2024
<p>ASTANA. KAZINFORM – «Aqorda» rezıdentsııasynda tórt eldiń tótenshe jáne ókiletti elshileriniń Memleket basshysyna senim gramotalaryn tapsyrý rásimi ótti. Bul týraly Aqordanyń baspasóz qyzmeti málim etti. </p>
Senim gramotalaryn Qatar Memleketiniń elshisi Abdalla ben Hýseın Muhammed Djaber, Bolıvar Venesýela Respýblıkasynyń elshisi Rosalba Lo Býe Antıko, Kambodja Koroldiginiń elshisi Chea Sok, Býrýndı Respýblıkasynyń elshisi Jozef Nkýrýnzıza tapsyrdy.
Qasym-Jomart Toqaev elshilerdi Qazaqstandaǵy dıplomatııalyq mıssııalarynyń resmı bastalýymen quttyqtap, olardyń memleketteriniń basshylaryna izgi tilegi men sálemin joldady.
– Biz salmaqty, syndarly, beıbit syrtqy saıasat júrgizip otyrmyz. Jaqyn arada atalǵan memlekettermen ózara yntymaqtastyqty damytýda jańa jetistikterge qol jetkize alamyz dep senemiz. Barshańyzdy taǵy da quttyqtaımyn. Sizderdiń Qazaqstandaǵy mańyzdy mıssııalaryńyzǵa tabys tileımin, – dedi Prezıdent.