Prezıdent Qaratal aýdanynyń qorǵanys isteri bólimine bardy

<p>TALDYQORǴAN. KAZINFORM &ndash; Memleket basshysy Úshtóbe qalasynda ornalasqan Qaratal aýdany qorǵanys isteri jónindegi bóliminiń ǵımaratyn aralap kórdi. 1983 jyldan beri qoldanystaǵy nysan bıyl kúrdeli jóndeýden ótip, qazan aıynda atalǵan mekemege berilgen.&nbsp;</p>

Qorǵanys mınıstri Rýslan Jaqsylyqov Qazaqstan Respýblıkasy Qarýly Kúshteriniń Joǵarǵy Bas Qolbasshysyna Smart-áskerı komıssarıat jobasy týraly baıandady. Jańa bastamaǵa sáıkes azamattar avtomatty túrde áskerı esepke alynady.

Foto: Aqorda

Mınıstrdiń aıtýynsha, jyl saıyn 17 jastaǵy 160 myńnan asa jasóspirim avtomatty túrde áskerı esepke turǵyzylady. Sondaı-aq mınıstrlik jumyldyrý resýrstarynyń aqparattyq júıesin qurǵan. Tsıfrlyq transformatsııa Qazaqstandaǵy 16 men 60 jas aralyǵyndaǵy barlyq er azamatty qamtıdy. Bul jumys qaǵaz nusqada júrgizilgen kezde esepte 2,5 mıllıon azamat bolǵan. Al tsıfrlyq formatqa kóshkennen keıin olardyń sany 6,8 mıllıonǵa jetken. 

Foto: Aqorda

Budan bólek, IT salasy boıynsha bilimi bar sarbazdar «Halyq únine qulaq asatyn memleket» qaǵıdatyna sáıkes Armiakz aqparattyq qyzmetin jasap shyqqan. Atalǵan joba tárbıe jáne ıdeologııalyq jumystardy uıymdastyrý maqsatynda jasandy ıntellekt arqyly ázirlengen. Ata-analarmen keri baılanysqa yńǵaıly bul qyzmettiń mobıldi nusqasy da bar.

Foto: Aqorda

Óz kezeginde Qasym-Jomart Toqaev áskerge shaqyrylǵan azamattarmen áńgimelesip, olarǵa Otan aldyndaǵy boryshyn óteýde sáttilik tiledi.

– Elge qyzmet etý – azamattyq borysh. Bul – óte mańyzdy jumys, qasıetti paryz. Úlken áskerı mansaptarǵa jetip, general atanyńyzdar. Azamattyq mindetti abyroımen atqaryńyzdar. Antqa adal bolyńyzdar! – dedi Memleket basshysy.