Prezıdent qarapaıym azamattardyń quqyǵyn qorǵaýdy kúsheıtýge erekshe kóńil bóldi – Marat Báshimov

ALMATY. QazAqparat – QR Prezıdenti Qasym-Jomart Toqaev Parlament Májilisiniń jalpy otyrysynda qoǵam estigisi kelgen, halyqqa qajetti mańyzdy málimdeme jasady. Bul týraly Ulttyq qoǵamdyq senim keńesiniń múshesi, saıasattanýshy Marat Báshimov aıtty, dep habarlaıdy QazAqparat tilshisi.

«Búgin qoǵam Memleket basshysynyń erekshe nazar aýdarǵanyn estidi, kórdi. Birinshiden, adam quqyqtarynyń áleýetine nazar aýdaryldy. Barlyq salada azamattardyń konstıtýtsııalyq quqyqtaryn qorǵaýdyń tıimdiligin aıtty. Óıtkeni Almatydaǵy sońǵy oqıǵalar adamnyń halyqaralyq terrorızmge qarsy qorǵansyz ekenin kórsetti. Sondyqtan onyń búgingi málimdemesi qarapaıym azamattardyń quqyqtaryn qorǵaýdy kúsheıtýge negizdelgen. Bul quqyqtyq reforma, saıası reforma, áleýmettik-ekonomıkalyq aspektiler jáne taǵy basqalary», - dedi spıker.

Marat Báshimov Prezıdenttiń «Adam memleket úshin emes, memleket adam úshin» degen sózin erekshe atap ótti.

«Bul jerde azamattardyń zańdylyqty saqtaýdaǵy jaýapkershiligin atap ótý qajet. Sondyqtan Memleket basshysynyń aıtqan árbir sózi barlyq salada qarapaıym azamat quqyqtarynyń basymdyǵymen baılanysty ekenin kórsetti», - dedi Marat Báshimov.

Aıta kketeıik, búgin Memleket basshysy Qasym-Jomart Toqaevtyń qatysýymen Májilis otyrysy ótti.