Prezıdent Qaraǵandy oblysynyń ákimine sógis berdi

<p>ASTANA. KAZINFORM - Memleket basshysy Qasym-Jomart Toqaev jylytý maýsymyna daıyndyq jumystaryna tıisinshe baqylaý jasamaǵany úshin Qaraǵandy oblysynyń ákimi Ermaǵanbet Bólekbaevqa sógis berdi. Bul týraly QR Prezıdentiniń baspasóz hatshysy Berik Ýálı jelidegi <a href="https://www.facebook.com/search/top?q=%D0%B1%D0%B5%D1%80%D1%96%D0%BA%20%D1%83%D3%99%D0%BB%D0%B8&amp;locale=ru_RU" target="_blank" rel="noopener">paraqshasynda</a> jazdy.</p>

Buǵan degin habarlaǵanymyzdaı Qaraǵandy oblysyndaǵy Saran qalasynda turǵyndar úılerde jylýdyń joqtyǵyna jappaı shaǵymdana bastaǵany týraly jazǵan bolatynbyz.

Qala ákimi Erkin Baýlyqov Instagram-daǵy paraqshasynda jaǵdaıdy túsindirip, turǵyndardan keshirim surady.

Saran qalasyndaǵy jylý jaǵdaıyna baılanysty Energetıka mınıstri bastaǵan komıssııa quryldy. Komıssııa quramyna energııa qadaǵalaý salasynyń jáne tıisti organdardyń ókilderi kirdi. Almasadam Sátqalıev Sarandaǵy qazandyqtyń iske qosylmaýynyń sebepterin atady.

Búgin apparattyq jınalysta Qaraǵandy oblysynyń ákimi Ermaǵanbet Bólekpaev Saran qalasynyń ákimi Erkin Baýlyqov pen Qaraǵandy oblysynyń energetıka jáne TKSh basqarmasynyń basshysy Tilektes Dosaev qatań sógis alǵanyn málimdedi. Sondaı-aq oblys ákiminiń birinshi orynbasary Azamat Taıjanovqa eskertý túrinde tártiptik jaza jarııalandy.

Keıin Saran qalasynyń ákimi qyzmetinen bosatyldy.