Prezıdent «Jas Otan» qataryna jastar arasynda senimge ıe kóshbasshylardy tartýdy tapsyrdy
«Qańtardaǵy qaıǵyly oqıǵalar jastardyń áleýmettik-ekonomıkalyq beıimdelýindegi úlken olqylyqty kórsetip berdi. Buǵan jergilikti atqarýshy organdarmen qatar jalpy memlekettik basqarý júıesi kináli.
«Jas Otan» naqty jumys isteý úshin zor áleýetke ıe. Partııanyń jastar qanatynda búkil elimiz boıynsha 100 myńnan astam múshe bar. Biraq, osynaý aıtarlyqtaı resýrs laıyqty qoldanylmaı otyr», - dedi Memleket basshysy.
QR Prezıdenti qalalarda jaılastyrylmaǵan jastarmen naqty jumys júrgizilýi tıistigin basa aıtty.
«Jas Otan» qataryna paıdaly qoǵamdyq qyzmetpen aınalysýǵa daıyn, jastar arasynda senimge ıe kóshbasshylardy tartý qajet. Memleket jastardy jumyspen qamtý, bilim berý jáne oqytý salasynda birqatar mańyzdy jobany júzege asyrýda. Alaıda, áleýmettik suraý salý nátıjesi jastardyń basym bóligi olar jaıynda eshteńe de bilmeıtindigin kórsetip otyr. Mundaı ahýaldy tabandy túrde ózgeretý qajet», - dedi Memleket basshysy.
Aıta keteıik, partııa sezindegi Memleket basshysynyń sóılegen sózi QR Prezıdenti baspasóz qyzmetiniń Twitter-degi paraqshasynda jarııalanýda.