Prezıdent Іs basqarmasynyń qyzmetkerlerine arnalǵan qazaq tili kýrsy bastaldy
«Jaqynda QR Prezıdenti Іs basqarmasy mekemeleriniń qyzmetkerleri úshin memlekettik tildi tereńdetip oqytatyn kýrs ashylǵan bolatyn. Men de qazaqsha bilimimdi keńeıtip, is qaǵazdardy memlekettik tilde júrgizýdi úırený úshin osy kýrsqa qatysqandy jón dep sheshtim. Sabaq aptasyna 3 ret ótedi. Bul qatysýshylar úshin óte yńǵaıly. Memlekettik til ómirimizdiń ár salasyna dendep enip kele jatyr. Sonyń ishinde medıtsına salasyna da qatysty. Zaman talabyna saı bolý úshin bul bárimizge kerek ári paıdaly dep esepteımin», - dep jazdy QR Prezıdenti Іs basqarmasy medıtsına ortalyǵy basshysynyń orynbasary Lıýdmıla Bıýrobekova Instagram paraqshasynda.
Qazaq tilin úırený kýrsy 1 qyrkúıekte bastaldy. Oǵan QR Prezıdenti Іs basqarmasynyń 278 qyzmetkeri qatysyp jatyr. 4 aılyq memlekettik tildi meńgerý, jetildirý kýrsyn aıaqtaǵan soń tyńdaýshylarǵa sertıfıkat beriledi.
Eske salaıyq, buǵan deıin QR Prezıdentiniń Іs basqarmasy qyzmetkerleriniń memlekettik tildi meńgerýin jetildirýge baǵyttalǵan kýrsty qolǵa alǵany týraly habarlaǵan edik.
Vedomstvoǵa qarasty mekemelerdiń qyzmetkerlerine arnalǵan kýrs medıtsınalyq tehnologııalar jáne aqparattyq júıeler ortalyǵynda ótip jatyr.
Uıymdastyrýshylardyń aıtýynsha, kýrs tyńdaýshylary memlekettik tildi bazalyq deńgeıde bilip qana qoımaı, iskerlik qazaq tilin jetildirýge kúsh salynady.