Qasym-Jomart Toqaev Iordanııa Korolin Táýelsizdik kúnimen quttyqtady

<p>ASTANA. KAZINFORM &ndash; Memleket basshysy Qasym-Jomart Toqaev II Abdalla ben ál-Hýseın men ıordan halqyn barsha qazaqstandyqtyń jáne jeke óziniń atynan Iordanııa Koroldiginiń ulttyq merekesi &ndash; Táýelsizdik kúnimen quttyqtady.</p>

– Iordanııa – Qazaqstannyń Taıaý Shyǵystaǵy jáne arab elderi óńirindegi senimdi seriktesi. Halyqtarymyz arasyndaǵy dástúrli dostyq pen joǵary deńgeıdegi mazmundy saıası dıalogqa negizdelgen qatynastarymyzdy damytýǵa Sizdiń qosyp otyrǵan úlesińiz ben sińirgen eńbegińizdi joǵary baǵalaımyn. Bolashaqta da qazaq-ıordan seriktestigin arttyrýda birlese kúsh-jiger jumyldyryp, yqpaldastyǵymyzdy jańa belesterge kóteretinimizge kámil senemin, – dep jazylǵan jedelhatta.

Qasym-Jomart Toqaev Iordan Hashımıt Koroliniń jaýapty qyzmetine tolaıym tabys, al dostas ıordan halqyna qut-bereke tiledi.