Prezıdent Halyqaralyq eńbek uıymynyń basshysy Jılber Ýngbomen kezdesti

<p>ASTANA. KAZINFORM - Qasym-Jomart Toqaev Jılber Ýngboǵa iltıpat bildirip, onyń bul sapary Qazaqstan men Halyqaralyq eńbek uıymynyń arasyndaǵy yntymaqtastyqqa tyń serpin berý turǵysynan asa mańyzdy ekenin aıtty.</p>

Prezıdent Halyqaralyq eńbek uıymynyń áleýmettik ádildik qaǵıdattaryn jahandyq aýqymda damytýdaǵy róline toqtaldy.

– Biz Ádiletti Qazaqstandy quryp jatyrmyz. Bul tujyrymdama Sizderdiń áleýmettik ádildik bastamalaryńyzben úndes. Halyqaralyq eńbek uıymynyń senimdi ári ádil, tıimdi áleýmettik kelisimdi qamtamasyz etý, sondaı-aq eńbekkerlerdiń quqyǵyn ilgeriletý isindegi mıssııasy eshqandaı talas týdyrmaıdy. Qazaqstan Uıymnyń 25 negizgi konventsııasyn ratıfıkatsııalady. Bul jumys jalǵasa beredi, – dedi Prezıdent.

Memleket basshysy azamattardyń ál-aýqatyn arttyrý, zań ústemdigi men adam quqyǵyn qorǵaý baǵytynda Qazaqstanda atqarylyp jatqan jumystar jaıynda málimet berdi.

Jılber Ýngbo Qasym-Jomart Toqaevtyń basshylyǵymen Ádiletti Qazaqstandy qurý jolynda júrgizilip jatqan aýqymdy reformalardy joǵary baǵalady.

Foto: Aqorda

Budan bólek, Prezıdentke Úkimet múshelerimen nátıjeli kezdesýler ótkenin jáne Halyqaralyq eńbek uıymynyń maqsat-mindetterin ilgeriletý máselesinde Qazaqstannyń aımaqta kóshbasshy ekenin atap ótti.

– Sizdiń elińiz áleýmettik, eńbek jaǵdaıyn jaqsartýǵa aıtarlyqtaı kúsh salyp otyr. Bul bizdiń Uıymnyń Áleýmettik ádildik úshin jahandyq koalıtsııasy aıasyndaǵy bastamalaryna saı keledi, – dedi Halyqaralyq eńbek uıymynyń Bas dırektory.

Qasym-Jomart Toqaev pen Jılber Ýngbo Qazaqstannyń áleýmettik saıasatyn nyǵaıtýǵa baǵyttalǵan sharalardy yntymaqtasa otyryp júzege asyrýǵa jáne Halyqaralyq eńbek uıymymen ózara tıimdi seriktestikti damytýǵa kelisti.