Prezıdent ǵylymnyń qandaı baǵyttary qarjylandyrylatynyn aıtty
«Tolyqtaı alǵanda, ǵylymdy qarjylandyrýdy kezeń-kezeńimen ulǵaıtamyz jáne 2025 jylǵa qaraı ony jalpy ishki ónimniń 1 paıyzyna jetkizemiz. Bul rette, biz eshkim oqymaıtyn qajetsiz jumystar men zertteýlerdi qarjylandyra almaımyz. Árbir ǵylymı jumystan suranys jáne naqty áleýmettik-ekonomıkalyq ári óndiristik-tehnıkalyq qaıtarym bolýy tıis», - dedi Memleket basshysy.
QR Prezıdentiniń atap ótýinshe, baǵdarlamalyq-maqsatty qarjylandyrý ulttyq ǵylymı-tehnıkalyq mindetter negizinde ǵana bólinýi qajet.
«Kúsh-jigerdi jáne resýrstardy medıtsınalyq-bıologııalyq zertteý, agroónerkásiptik ǵylym, jasyl tehnologııa, jasandy ıntellekt, energııa únemdeý syndy salalarǵa baǵyttaǵan jón», - dep atap ótti Qasym-Jomart Toqaev.
Memleket basshysy birrettik granttyq konkýrstar nátıjesine qaramastan úzdiksiz júzege asyrylýy tıisti irgeli zertteýler júrgizýmen aınalysatyn ǵylymı uıymdardy tikeleı qoldaý mańyzdy ekendigin basa aıtty.
«Úkimet irgeli ǵylym men zertteý ınstıtýttarynyń bazalyq qarjylandyrý kólemin arttyrý múmkindigin qarastyrýy qajet», - dedi Prezıdent.