Prezıdent Germanııa ekonomıkasy Shyǵys komıtetiniń basqarma tóraǵasy Katrına Klaas-Mıýlhoızerdi qabyldady

<p>ASTANA. KAZINFORM &ndash; Kezdesý barysynda Prezıdent Qasym-Jomart Toqaev pen Germanııa ekonomıkasy Shyǵys komıtetiniń basqarma tóraǵasy jáne CLASS Group kompanııasy baıqaýshylar keńesiniń tóraǵasy Katrına Klaas-Mıýlhoızer ekijaqty ekonomıkalyq yntymaqtastyqty odan ári nyǵaıtý perspektıvasyn talqylady, dep habarlady Aqordanyń baspasóz qyzmeti.</p>

Memleket basshysynyń aıtýynsha, Germanııa Qazaqstannyń Eýropa Odaǵyndaǵy strategııalyq seriktesi sanalady. Saýda-ekonomıkalyq qatynastar qarqyndy damyp keledi. Sondaı-aq nemis bıznesi Qazaqstandaǵy úlesin keńeıtýge qyzyǵýshylyq tanytyp otyr. 

Foto: Aqordanyń baspasóz qyzmeti

Prezıdent byltyr Qazaqstanǵa Germanııadan tartylǵan tikeleı ınvestıtsııa kólemi 64 paıyzǵa ósip, 770 mıllıon dollarǵa jetkenin atap ótti. Bul – rekordtyq kórsetkish. 

Foto: Aqordanyń baspasóz qyzmeti

Kezdesýde aýyl sharýashylyǵy salasyndaǵy yntymaqtastyq máselesine de erekshe nazar aýdaryldy. Osy oraıda Qasym-Jomart Toqaev buǵan deıin Ornyqty eginshiliktiń aımaqtyq ortalyǵyn qurý jóninde usynys aıtqanyn eske saldy. Prezıdenttiń pikirinshe, bul ortalyq elimizdiń aýyl sharýashylyǵy áleýetin barynsha tolyq paıdalanýǵa, ınnovatsııalyq tehnologııalardy engizýge jáne olardy kommertsııalandyrýǵa yqpal etedi. 

Foto: Aqordanyń baspasóz qyzmeti

Memleket basshysy Qazaqstannyń agrarlyq áleýetin damytýǵa CLASS zaýytynyń qosqan úlesin joǵary baǵalady.