Prezıdent Eýropa Odaǵynyń Qazaqstandaǵy elshisi Kestýtıs ıAnkaýskasty qabyldady

<p>Memleket basshysy Eýropa Odaǵynyń Qazaqstandaǵy elshisi Kestýtıs ıAnkaýskasty qabyldady. Bul týraly Kazinform <a href="https://www.akorda.kz/kz/memleket-basshysy-europa-odagynyn-kazakstandagy-elshisi-kestutis-yankauskasty-kabyldady-7113435" target="_blank" rel="noopener">Aqordaǵa</a> silteme jasap habarlaıdy.&nbsp;</p>

Kezdesýde Qazaqstan men Eýropa Odaǵy arasyndaǵy qarym-qatynastardyń basym baǵyttary qarastyryldy.

Memleket basshysy Qazaqstannyń Eýropa Odaǵymen strategııalyq seriktestigin odan ári nyǵaıtýǵa beıildiligin, sondaı-aq elimizdiń bastamasymen qolǵa alynǵan S5+EO formaty aıasyndaǵy kópjaqty yntymaqtastyqty odan ári ilgeriletýge nıetti ekenin rastady.

Budan bólek, Prezıdent saıası reformalardyń tabysty júzege asyrylyp jatqany týraly aıtyp, demokratııany nyǵaıtý isinde Qazaqstandy qoldaǵany úshin Eýropa Odaǵyna rızashylyǵyn bildirdi.

Kezdesý barysynda asa mańyzdy shıkizat materıaldary, «jasyl» ekonomıkalyq ósim, kólik, logıstıka jáne aýyl sharýashylyǵy salalaryndaǵy yqpaldastyqqa erekshe nazar aýdaryldy.