Prezıdent etnosaralyq qatynas taqyrybynda praktıkalyq zertteýler júrgizýdi tapsyrdy

NUR-SULTAN. QazAqparat – QR Prezıdenti Qasym-Jomart Toqaev Aqparat jáne qoǵamlyq damý mınıstrligine etnosaralyq qatynas taqyrybynda praktıkalyq zertteýler qolǵa alýdy tapsyrdy, dep habarlaıdy QazAqparat tilshisi.

«Bul asa sezimtal baǵyt popýlızm men delıtanttyqty kótermeıdi. Bul iste tek quzyreti bar mamandar jumys isteýi kerek. Eldiń ishindegi jáne tipti syrtyndaǵy oqıǵalarǵa biz barynsha tarazylanǵan, ǵylymı faktiler tilimen jáne naqty sandarmen ólshengen jaýap qatýymyz kerek. Bizdiń bul baǵytta aıtarymyz bar. Qazaqstan halqy assambleıasynyń tabysty tájirıbesi - osynyń aıqyn dáleli. Aqparat jáne qoǵamdyq damý mınıstriligine ıntegratsııa men jalpyulttyq birlik, etnosaralyq qarym-qatynastaǵy úılesimdilik sııaqty ózekti taqyryptar boıynsha paıdaly praktıkalyq zertteýlerdi jolǵa qoıýdy tapsyramyn», - dedi Memleket basshysy.

Aıta keteıik, Memleket basshysy atalmysh sharada etnostardyń áleýmettik-mádenı oqshaýlanýyna qarsy sharalar ázirleýdi usyndy.