Prezıdent Erbolat Dosaevqa: Almatynyń qaýymymen tyǵyz jumys isteý kerek

NUR-SULTAN. QazAqparat – Prezıent Qasym-Jomart Toqaev naýryz aıynyń basynda Almaty qalasyna jumys saparymen barady, dep habarlaıdy QazAqparat tilshisi.

Bul týraly Memleket basyshsy Úkimettiń keńeıtilgen otyrysynda aıtty.

«Almaty turǵyndarynyń kóńil kúıin jaqsy qalypqa keltirý mańyzdy. Naqty máslelerdi biz meniń osy qalaǵa naýryzdyń basynda jasaıtyn jumys saparym kezinde talqylaımyz. Ol jaqta shynymen de problemalar bar. Olarmen Baqytjan Ábdiruly Saǵyntaev ta aınalysqan bolatyn. Keı jerde ilgerileı aldy, keı tusta túrli sebeptermen úlgermeı jatty, sheshe almady. Biraq qalaı bolsa da jalpy alǵan baǵyty durys boldy. Sondyqtan osy baǵytta jyljý kerek», -degen Prezıdent jańa ákim Erbolat Dosaevqa eń birinshi nege kóńil aýdarý kerektigin nusqady.

«Meniń oıymsha, sizdiń aldyńyzda Almatynyń qaýymymen tyǵyz jumys isteý kerek bolady», -dedi Qasym-Jomart Toqaev.