Prezıdent Energetıka mınıstrine atom elektr stantsııasynyń qurylysyn jedeldetýdiń mańyzyn atap ótti

<p>ASTANA. KAZINFORM &ndash; Prezıdentke vedomstvo jumysynyń negizgi qorytyndylary men elimizdegi otyn-energetıka keshenin damytý jospary, sondaı-aq munaı-gaz jáne energetıka salalaryndaǵy iri jobalardyń júzege asyrylýy jóninde aqparat berildi. Ol týraly Aqordanyń baspasóz qyzmeti málim etti.&nbsp;</p>

Prezıdentke vedomstvo jumysynyń negizgi qorytyndylary men elimizdegi otyn-energetıka keshenin damytý jospary, sondaı-aq munaı-gaz jáne energetıka salalaryndaǵy iri jobalardyń júzege asyrylýy jóninde aqparat berildi.

Qasym-Jomart Toqaevqa jylytý maýsymynyń barysy jáne jylý-elektrmen qamtý boıynsha iri nysandardyń jumysy týraly baıandaldy.

Memleket basshysy jylytý maýsymyn erekshe baqylaýda ustaýdy jáne energetıka ınfraqurylymyn jańǵyrtýǵa qatysty jobalardy iske asyrýdy tapsyrdy.

Prezıdent Qazaqstandaǵy atom elektr stantsııasynyń qurylysyn jedeldetýdiń mańyzyn atap ótti.