Prezıdent eń tómengi jalaqy deńgeıin kóterý sheshimin qabyldady

NUR-SULTAN. QazAqparat – Qazaqstanda eń tómengi jalaqy deńgeıi 60 myńnan 70 myń teńgege deıin kóteriledi. Bul týraly Memleket basshysy Qasym-Jomart Toqaev Qazaqstan halqyna Joldaýy barysynda aıtty, dep habarlaıdy QazAqparat tilshisi.

«Eńbekaqyny naryqtaǵy jaǵdaıǵa saı ósirý – halyqtyń ál-aýqatyn arttyrýdyń basty faktory. Memleket eń tómengi jalaqyny aıqyndaýdyń jańa tásilin engizedi. Bul ádis onyń mólsherin birtindep ulǵaıtýǵa múmkindik beredi», - dedi Memleket basshysy.

Osy oraıda Prezıdent eń tómengi jalaqy deńgeıin 60 myń teńgeden 70 myń teńgege deıin kóterý týraly sheshim qabyldaǵanyn aıtty.

«Bul sheshim 1,8 mıllıon azamattyń tabysyna tikeleı áser etedi», - dedi Qasym-Jomart Toqaev.