Prezıdent elorda bazarlarynyń beı-bereketsizdigine keıistik tanytty

ASTANA. QazAqparat - Qazaqstan Prezıdenti Nursultan Nazarbaev Elordany odan ári damytý máseleleri jónindegi májiliste Astanadaǵy bazarlardy tártipke keltirýdi tapsyrdy, dep habarlaıdy «QazAqparat» HAA tilshisi.

«Uıymdastyrylmaǵan saýda bazarlary. Bizde slaıd bar. Almatydaǵy baraholkany súrip tastady. Sol sekildi Máskeýdegi Cherkızovskıı bazary da súrildi. Al endi qara, senderde ne bolyp jatqanyn... Al kerek deseńiz, dál qazir jap-jaqsy bazar salýǵa daıyn tilek bildirýshiler bar», - dedi Memleket basshysy Áset Isekeshevke beı-bereket bazarlardyń sýretin kórsete otyryp.

Májilis barysynda Prezıdentke atalmysh bazar Tilendıev kóshesindegi jeke kásipkerge tıesili ekeni jetkizildi. Ákimdiktiń ókilderi atalǵan kásipkerge osy olqylyqqa jol bergeni úshin 75 AEK mólsherinde aıyppul salynǵanyn habarlady.

«20 jyldyqqa daıyndyq osy. Moıyndy jýmaı, betti sýlaı salǵansyńdar. Bul túkpirlerdiń bári de kúrdeli. Kórgender: «qalasymen maqtanady, ne bolyp jatqanyn qarańdar» demeı me. Biz mine, bir-eki oryndy ǵana kórip otyrmyz, al qalanyń basqa bólikterinde mundaı kóptep kezdesedi. Tártipke keltirińder», - dep tapsyrdy Nursultan Nazarbaev.