Prezıdent elimizge jańa ekonomıkalyq baǵyt kerektigin aıtty

NUR-SULTAN. QazAqparat – Reformalardy júzege asyrý qarqyny baıaýlady. Bul týraly Úkimettiń keńeıtilgen otyrysynda QR Prezıdenti Qasym-Jomart Toqaev málim etti, dep habarlaıdy QazAqparat tilshisi.

«Eńbek ónimdiliginiń eleýli ósiminiń bolmaýy - úlken problema. Bul jaǵdaı shynymen de problema. Shıkizattyq emes eksporttyń úlesi baıaý ósip keledi. Ekonomıkalyq ósim sapasyna baılanysty maqsattar aýqymdy ekenin kórip otyrsyzdar. Olardyń ishinde basym bóligi qurylymdyq problemalar. Olardy biz kóp jyldardan beri sheship kelemiz», - dedi Prezıdent.

Sonymen qatar, Qasym-Jomart Toqaev Elbasy qoıǵan strategııalyq maqsattarǵa mindetti túrde qol jetkizý kerektigin atap ótti. Osy oraıda atalǵan strategııalyq maqsattarǵa qol jetkizýde Úkimettiń qadamdaryn qaıta júkteýdiń ýaqyty jetip otyr.

«Reformalardy júzege asyrý qarqyny baıaýlaǵanyn moıyndaý kerek. Bul faktini halyqaralyq jáne otandyq sarapshylar belgilep otyr. El ekonomıkasynyń tereń reformalarynyń baǵdarlamasyn daıarlaý mańyzdy dep sanaımyn. Bizge jańa ekonomıkalyq baǵyt kerek. Reformalar erik pen tabandylyqty talap etedi, Úkimetti dál osyndaı jigerge shaqyramyn. Reformalardy iske asyrý úshin eń aldymen myqty jiger kerek. Úkimet osy qasıetti kórseteti dep úmittenemin. Basqa jol joq, óıtkeni ýaqytymyz da joq», - dedi Memleket basshysy.