Árbir besinshi qazaqstandyq áleýmettik kómek alady, masyldyqqa jol berdik – Prezıdent

<p>ASTANA. KAZINFORM &ndash; Azamattarǵa áleýmettik qoldaý kórsetý júıesin qaıta qaraǵan jón. Bıýdjet qarjysy shyn máninde kómekke muqtaj adamǵa berilýi kerek. Bul týraly Prezıdent Qasym-Jomart Toqaevtyń tóraǵalyǵymen Úkimettiń keńeıtilgen otyrysynda aıtty.&nbsp;</p>

«Reforma júrgizgende áleýmettik kómektiń kimge jáne qalaı beriletinin túgel qaıta qaraý qajet. ıAǵnı, bólingen qarjyny barynsha tıimdi jumsap, ony shyn máninde kómekke muqtaj adamǵa berý kerek. Qazirgi tańda 4,5 mıllıonǵa jýyq adam memleketten áleýmettik kómek alady. Bul – shamamen elimizdiń árbir besinshi turǵyny degen sóz. Basym kópshiligi – eńbekke jaramdy azamattar. Halyqqa áleýmettik kómek beremiz dep, biz, shyny kerek, qoǵamda masyldyq psıhologııaǵa jol berdik. Órkenıetti el bolamyz desek, mundaı jaǵymsyz úderiske tosqaýyl qoıýymyz kerek», - dedi Prezıdent.

Onyń aıtýynsha, turatyn úıi, tipti, astynda qymbat kóligi bar azamattarǵa emes, kómekke zárý adamdarǵa kómek berilýi qajet.

«Jalpy, azamattarǵa áleýmettik qoldaý kórsetý júıesin qaıta qaraǵan jón. Sebebi, memleketten kómek alý úshin tabysyn ádeıi azaıtyp kórsetetin adamdar bar. Áleýmettik kómekti kimge berý qajettigi adamnyń kirisine emes, shyǵysyna qarap anyqtalýǵa tıis. Bul máselede bir naqty sheshim qabyldaý qajet», - dedi Memleket basshysy.