Prezıdent eldegi jaǵdaıdy nazarynan tys qaldyrmaıdy - Ivan Saýer

ASTANA. Prezıdent kezekti joly eldegi jaǵdaıdy baqylaýda ustap otyrǵanyn pash etti, dedi «Rodına» agrofırmasynyń dırektory Ivan Saýer «Aıqyn» gazetine bergen pikirinde.

«Árıne, Jer kodeksine engizilgen ózgeristerdiń qajettiligi de boldy, eger osyny Úkimet halyqqa der ýaqytynda aıtyp, túsindirgende, árbir jaýapty sheneýnik ózine júktelgen mindetterdi laıyqty oryndaǵanda, Elbasynyń aralasýyna degen qajettilik bolmaıtyn edi. Biraq ádettegideı bireýi jumysty jerine jetkize jasamady, ekinshisiniń oǵan qulqy bolmady, al endi bireýleri bul isti óz quzyrlaryna jatpaıdy dep, beıjaı qaldy», deıdi agrofırma basshysy.

Kelesi joly mundaı olqylyqtar qaıtalanbaýy tıis dep sanaıdy Ivan Saýer. «Atqaminerler tarapynan túsinistik tappaǵan buqara Qazaqstan kóshbasshysyna úndeý aıta bastady.  Prezıdent halyqtyń degenine qulaq qoıdy. Sóıtip, Elbasy óz bıligin qoldanyp, bárin oryndy ornyna qoıyp shyqty. ıAǵnı, Úkimetten tapsyrmalardy oryndaý ǵana qalady.  Endi ondaı olqylyqtarǵa oryn berilmeýi kerek», dedi ol.