Prezıdent eldegi sý tasqynyna baılanysty úndeý jarııalaıdy

<p>ASTANA. KAZINFORM &ndash; Memleket basshysy Qasym-Jomart Toqaev elimizdiń birqatar oblysyndaǵy sý tasqyny saldarynan qalyptasqan kúrdeli jaǵdaıǵa baılanysty Qazaqstan halqyna úndeý jarııalaıtyny týraly QR Prezıdentiniń keńesshisi &ndash; Baspasóz hatshysy Berik Ýálı <a href="https://www.facebook.com/100003403233694/posts/7189105781212792/?mibextid=WC7FNe&amp;rdid=dtdaPhaq2awg2oQm" target="_blank" rel="noopener">Facebook</a> áleýmettik jelisindegi paraqshasy arqyly málim etti. &nbsp;</p>

Prezıdent úndeýi barlyq respýblıkalyq arnalardan búgin saǵat 13:00-de kórsetiledi.

Buǵan deıin Prezıdent Qasym-Jomart Toqaev elimizdiń birqatar óńirinde bolǵan sý tasqyny saldarynan týyndaǵan tótenshe jaǵdaıǵa baılanysty shuǵyl keńes ótkizdi.

Memleket basshysy jaǵdaıdy qalypqa keltirý úshin shuǵyl sharalar qabyldaýmen qatar, júıeli jumys qajet ekenin atap ótti.

Sondaı-aq Prezıdent Qasym-Jomart Toqaevtyń tóraǵalyǵymen Sý tasqynyna qarsy sharalardy úılestirý jáne qarǵyn sý júrý kezeńiniń saldaryn joıý jónindegi respýblıkalyq shtabtyń otyrysy ótti.

4 sáýir kúni Qasym-Jomart Toqaev jumys saparymen Batys Qazaqstan oblysyna bardy.

Búgin Memleket basshysy Qasym-Jomart Toqaev Atyraý oblysynyń ákimi Serik Shapkenovke qońyraý shalyp, oblystaǵy birde-bir otbasy memlekettiń nazarynan tys qalmaıtynyn aıtyp, olarǵa sálem joldap, barynsha qoldaý kórsetiletinin aıtty.