Prezıdent: Eldegi 4,2 mln bas jylqynyń 1 paıyzy ǵana asyl tuqymdy

<p>ASTANA. KAZINFORM &ndash; Memleket basshysy Qasym-Jomart Toqaev aýyl sharýashylyǵy qyzmetkerleriniń birinshi forýmynda jylqy sharýashylǵynyń problemalaryna toqtaldy.</p>

«Jýyrda Mońǵolııaǵa memlekettik saparmen barǵanymdy bilesizder. Mońǵolııa basshysymen birge kóptegen máseleni talqyladyq. Eki kóshpendi halyqtyń urpaǵy retinde jylqy týraly da aıttyq. Mońǵol jylqylary alasa bolǵanymen óte tózimdi ári uzaqqa shabady eken. Biz «tegimiz – túrki, túligimiz – jylqy» dep arǵymaqty aıryqsha qadirlegen elmiz. Tutas tarıhymyz tulparlardyń tuıaǵymen jazyldy. Jalpy qazaqtyń miner kóligi de, isher asy da jylqymen tyǵyz baılanysty. Saýmal men qymyzdyń san túrli dertke shıpa ekeni barshaǵa málim. Qazir elimizde jylqy sany úzdiksiz ósip keledi. Bul – jaqsy kórsetkish», - dedi memleket basshysy. 

Prezıdent salanyń problemalaryna da toqtaldy.

«Degenmen, asyl tuqymdy jylqynyń úlesi 1 paıyzǵa da jetpeıdi. ıAǵnı, 4,2 mln jylqynyń 40 myńy ǵana asyl tuqymdy. Sondyqtan mal tuqymyn asyldandyrý jumysyna basa mán bergen jón», - dedi Memleket basshysy.

Eske sala keteıik, Astanada aýyl sharýashylyǵy salasy qyzmetkerleriniń forýmy ótip jatyr.