Prezıdent: Eldi ındýstrııalandyrý isin odan ári jalǵastyrýymyz kerek

<p>Kelesi jyldan bastap iri shıkizat óndirýshiler ishki naryqtyń suranysyn qamtamasyz etýge mindetti bolady. Bul týraly búgin elordada &laquo;Altyn sapa&raquo; jáne &laquo;Paryz&raquo; syılyqtarynyń jeńimpazdaryn marapattaý kezinde Memleket basshysy Qasym-Jomart Toqaev málim etti, dep habarlaıdy <a href="Kazinform" target="_blank" rel="noopener">Kazinform</a>.</p>

«Eldi ındýstrııalandyrý isin odan ári jalǵastyrýymyz kerek. Bul baǵytta naqty sharalar qolǵa alynyp jatyr. Eki jyl buryn «Ónerkásip saıasaty» týraly arnaýly zań qabyldandy. Óńdeý kásiporyndaryn arzan shıkizatpen qamtamasyz etý óte mańyzdy. Búginde iri shıkizat óndirýshilermen 25 kelisim jasaldy. Budan bólek, shıkizat baǵasyn arzandatý úshin qosymsha sharalar qolǵa alyndy. Kelesi jyldan bastap iri shıkizat óndirýshiler ishki naryqtyń suranysyn qamtamasyz etýge mindetti bolady. Olar Qazaqstandaǵy óńdeý mekemeleriniń qajettiligin tolyq ótese ǵana, shıkizatty eksporttaı alady», — dedi Qasym-Jomart Toqaev.

Memleket basshysynyń aıtýynsha, bul sheshim daıyn ónim óndirýge jáne ony syrtqy naryqqa kóbirek shyǵarýǵa yqpal etedi. Sondaı-aq myńdaǵan jumys ornyn ashýǵa septigin tıgizedi.