Prezıdent «El qorǵany» medalin taǵaıyndady
***
«Memlekettik rámizder jáne Qazaqstan Respýblıkasynyń Prezıdentine tikeleı baǵynatyn jáne esep beretin keıbir memlekettik organdardyń, Qazaqstan Respýblıkasy Konstıtýtsııalyq Keńesiniń, quqyq qorǵaý organdarynyń, sottardyń, Qarýly Kúshterdiń, basqa da áskerler men áskerı quralymdardyń vedomstvolyq jáne olarǵa teńestirilgen ózge de nagradalarynyń geraldıkasy máseleleri týraly» Qazaqstan Respýblıkasy Prezıdentiniń 2011 jylǵy 30 qyrkúıektegi № 155 Jarlyǵyna tolyqtyrýlar engizý týraly
QAÝLY ETEMІN:
1. «Memlekettik rámizder jáne Qazaqstan Respýblıkasynyń Prezıdentine tikeleı baǵynatyn jáne esep beretin keıbir memlekettik organdardyń, Qazaqstan Respýblıkasy Konstıtýtsııalyq Keńesiniń, quqyq qorǵaý organdarynyń, sottardyń, Qarýly Kúshterdiń, basqa da áskerler men áskerı quralymdardyń vedomstvolyq jáne olarǵa teńestirilgen ózge de nagradalarynyń geraldıkasy máseleleri týraly» Qazaqstan Respýblıkasy Prezıdentiniń 2011 jylǵy 30 qyrkúıektegi № 155 Jarlyǵyna (Qazaqstan Respýblıkasynyń PÚAJ-y, 2011 j., № 55, 783-qujat) mynadaı tolyqtyrýlar engizilsin:
joǵaryda atalǵan Jarlyqpen bekitilgen Qazaqstan Respýblıkasynyń Prezıdentine tikeleı baǵynatyn jáne esep beretin keıbir memlekettik organdardyń, Qazaqstan Respýblıkasy Konstıtýtsııalyq Keńesiniń, quqyq qorǵaý organdarynyń, sottardyń, Qarýly Kúshterdiń, basqa da áskerler men áskerı kuralymdardyń vedomstvolyq jáne olarǵa teńestirilgen ózge de nagradalardyń tizbesinde jáne sıpattamalarynda:
Qazaqstan Respýblıkasynyń Prezıdentine tikeleı baǵynatyn jáne esep beretin keıbir memlekettik organdardyń, Qazaqstan Respýblıkasy Konstıtýtsııalyq Keńesiniń, quqyq qorǵaý organdarynyń, sottardyń, Qarýly Kúshterdiń, basqa da áskerler men áskerı quralymdardyń vedomstvolyq jáne olarǵa teńestirilgen ózge de nagradalarynyń tizbesinde:
«Medaldar:» degen bólimde:
10-tarmaq mynadaı mazmundaǵy 5) tarmaqshamen tolyqtyrylsyn:
«5) І, ІІ dárejeli «El qorǵany» («Zaşıtnık Otechestva»).»;
Qazaqstan Respýblıkasynyń Prezıdentine tikeleı baǵynatyn jáne esep beretin keıbir memlekettik organdardyń, Qazaqstan Respýblıkasy Konstıtýtsııalyq Keńesiniń, quqyq qorǵaý organdarynyń, sottardyń, Qarýly Kúshterdiń, basqa da áskerler men áskerı quralymdardyń vedomstvolyq jáne olarǵa teńestirilgen ózge de nagradalarynyń sıpattamalarynda (budan ári - Sıpattamalar):
«Qazaqstan Respýblıkasy Qorǵanys mınıstrliginiń medaldary» degen bólim mynadaı mazmundaǵy kishi bólimdermen tolyqtyrylsyn:
«І dárejeli «El qorǵany» (54-1-qosymsha)
І dárejeli «El qorǵany» medali altyn jalatylǵan sary tústi metaldan daıyndalady jáne dıametri 42 mm on sáýleli aıshyqty juldyz nysanynda bolady. Medaldaǵy beıneler - bederli. Medal aversiniń ortasynda - qyzyl tústiń aıasynda «EL QORǴANY» degen jazýy bar tómengi bóliginde lenta ótkizilgen lavr butaqtarymen kómkerilgen sheńber. Sheńber kógildir tústi emalmen boıalǵan. Sheńberdiń ortasynda ótkir júzi joǵary qaratylyp aıqastyrylǵan semserler aıasynda qalqan ornalasqan, onda alqyzyl aıada tank, ushaq, korabl jáne desanttyq áskerler emblemalary beınelengen Qazaqstan Respýblıkasynyń kartasy sulbasynyń beınesi bar. Juldyz sáýleleriniń sándi ushtary ulttyq oıý-órnek elementterimen órnektelgen. Sáýlelerdiń fragmentteri kók tústi emalmen boıalǵan. Bes sáýlede dıametri
2 mm jasandy tastar ornatylǵan.
Medaldyń reversinde bederli beıne bar. Ortasynda bes jolǵa
«І; DÁREJE; OTANYŃDY SÚI; HALQYŃA; QYZMET ET» degen jazý ornalasqan. Jazý sheńberin aınaldyra «QAZAQSTAN RESPÝBLIKASYNYŃ QARÝLY KÚShTERІ» degen jazý ornalasqan.
Medal qulaqsha men shyǵyrshyq arqyly eni 32 mm jáne bıiktigi 50 mm alty buryshty taǵanǵa bekitiledi. Taǵan eni 10 mm bolatyn sol jaq jıeginen qoshqyl jýsan tústes, oń jaq jıeginen qoshqyl kók tústi, ortasynda eni 12 mm qoshqyl kók tústi úsh jolaǵy bar sarǵysh tústi jolaqtan turatyn tik jolaqty qatqyl lentamen tystalady. Taǵannyń ortasynda bastyrylyp jasalǵan Qarýly Kúshterdiń emblemasy ornatylady.
Medal kıimge túıreýishtiń kómegimen bekitiledi.
ІІ dárejeli «El qorǵany» (54-2-qosymsha)
ІІ dárejeli «El qorǵany» medali aq tústi metaldan daıyndalady jáne dıametri 42 mm on sáýleli aıshyqty juldyz nysanynda bolady. Medaldaǵy beıneler - bederli. Medal aversiniń ortasynda - qyzyl tústiń aıasynda «EL QORǴANY» degen jazýy bar tómengi bóliginde lenta ótkizilgen lavr butaqtarymen kómkerilgen sheńber. Sheńber kógildir tústi emalmen boıalǵan. Sheńberdiń ortasynda ótkir júzi joǵary qaratylyp aıqastyrylǵan semserler aıasynda qalqan ornalasqan, onda tank, ushaq, korabl jáne desanttyq áskerler emblemalary beınelengen Qazaqstan Respýblıkasynyń kartasy sulbasynyń beınesi bar. Juldyz sáýleleriniń sándi ushtary ulttyq oıý-órnek elementterimen órnektelgen. Sáýlelerdiń fragmentteri kók tústi emalmen boıalǵan.
Medaldyń reversinde bederli beıne bar. Ortasynda bes jolǵa
«ІІ; DÁREJE; OTANYŃDY SÚI; HALQYŃA; QYZMET ET» degen jazý ornalasqan. Jazý sheńberin aınaldyra «QAZAQSTAN RESPÝBLIKASYNYŃ QARÝLY KÚShTERІ» degen jazý ornalasqan.
Medal qulaqsha men shyǵyrshyq arqyly eni 32 mm jáne bıiktigi 50 mm alty buryshty taǵanǵa bekitiledi. Taǵan eni 10 mm bolatyn sol jaq jıeginen qoshqyl jýsan tústes, oń jaq jıeginen qoshqyl kók tústi, ortasynda eni 12 mm qoshqyl kók tústi úsh jolaǵy bar sarǵysh tústi jolaqtan turatyn tik jolaqty qatqyl lentamen tystalady. Taǵannyń ortasynda bastyrylyp jasalǵan Qarýly Kúshterdiń emblemasy ornatylady.
Medal kıimge túıreýishtiń kómegimen bekitiledi.»;
Osy Jarlyqqa 1 jáne 2-qosymshalarǵa sáıkes Sıpattamalarǵa 54-1 jáne 54-2-qosymshalarmen tolyqtyrylsyn;
joǵaryda atalǵan Jarlyqpen bekitilgen Qazaqstan Respýblıkasynyń Prezıdentine tikeleı baǵynatyn jáne esep beretin keıbir memlekettik organdardyń, Qazaqstan Respýblıkasy Konstıtýtsııalyq Keńesiniń, quqyq qorǵaý organdarynyń, sottardyń, Qarýly Kúshterdiń, basqa da áskerler men áskerı quralymdardyń vedomstvolyq jáne olarǵa teńestirilgen ózge de nagradalarymen marapattaý (vedomstvolyq jáne olarǵa teńestirilgen ózge de nagradalarynan aıyrý) qaǵıdalarynda:
«3. Vedomstvolyq nagradalarmen marapattaý negizderi» degen bólimde:
«Bitimgershilik operatsııalaryna qatysqany úshin» medali» degen kishi bólimnen keıin mynadaı mazmundaǵy kishi bólimmen tolyqtyrylsyn:
«El qorǵany» medali
44-1. «El qorǵany» medalimen:
áskerlerge basshylyq jasaýda jáne qoıylǵan mindetterdi oryndaýda, oqý-jattyǵýlarda, jaýyngerlik kezekshilikti atqarý kezinde, jańa jaýyngerlik jáne arnaıy tehnıkany meńgerýde, qarý-jaraq pen áskerı tehnıkany udaıy jaýyngerlik ázirlikti qamtamasyz etý jaı-kúıinde ustaýda, qolbasshylyqtyń arnaıy (jedel) tapsyrmalaryn oryndaý kezinde, jumyldyrý daıarlyǵynda, áskerı-patrıottyq, pedagogıkalyq, ǵylymı-zertteý, emdeý jáne ózge de áskerı (áskerı-qoldanbaly) qyzmette, merzimdi áskerı qyzmet ótkerý kezeńinde áskerı mamandyqty meńgerýde erekshe kózge túskeni úshin Qazaqstan Respýblıkasy Qarýly Kúshteriniń áskerı qyzmetshileri, sondaı-aq Qazaqstan Respýblıkasynyń qorǵanys qabiletin, áskerı qaýipsizdigin nyǵaıtýǵa eleýli úles qosqan azamattar marapattalady.
44-2. «El qorǵany» medali eki dárejeden turady:
1) Qazaqstan Respýblıkasynyń qorǵanys qabiletin, áskerı qaýipsizdigin nyǵaıtýǵa eleýli úles qosqan Qazaqstan Respýblıkasy Qarýly Kúshteriniń ofıtserler quramy men Qazaqstan Respýblıkasynyń azamattaryn marapattaýǵa - І dárejeli «El qorǵany» medali;
2) Qazaqstan Respýblıkasy Qarýly Kúshteriniń serjanttar jáne sarbazdar quramdarynyń áskerı qyzmetshilerin marapattaýǵa - ІІ dárejeli «El qorǵany» medali.».
2. Osy Jarlyq qol qoıylǵan kúninen bastap qoldanysqa engiziledi.
Qazaqstan Respýblıkasynyń
Prezıdenti N.Nazarbaev
Astana, Aqorda, 2017 jylǵy 25 sáýir
№ 466
Jarlyqqa qosymshalardy myna jerden kórýge bolady.