Prezıdent Ekibastuz JEO ıesi týraly pikir bildirdi
«Jylý-elektr ortalyǵy men jelilerdiń menshik ıesine jeke toqtalyǵym keledi. Tozý kórsetkishi 90 paıyzdan asatyn Ekibastuz jylý-elektr ortalyǵyn 1 teńge satý usynysy saraptamany qajet etedi. Bul nysanǵa táýelsiz aýdıt júrgizý kerek. Ábden tozǵan ortalyqty memleket tıimdi basqara ala ma, eń aldymen, osyny zertteý kerek. Kásiporynnyń 50 paıyzyn alyp, menshik ıesine Jylý elektr ortalyǵyn kúrdeli jóndeýden ótkizýdi tapsyrǵan jón», - dedi Memleket basshysy.
Aıta keteıik, búgin Memleket basshysy Qasym-Jomart Toqaevtyń tóraǵalyǵymen Úkimettiń keńeıtilgen otyrysy ótip jatyr.
Jıyn barysynda elimizdiń bıylǵy áleýmettik-ekonomıkalyq damýynyń negizgi kórsetkishteri týraly esep beriledi jáne Úkimettiń 2023 jylǵa arnalǵan jumys jospary qarastyrylady dep josparlanyp otyr.
Foto: t.me/Kzgovernment