Prezıdent Ekibastuz halqyna tózimdilik tanytqany úshin alǵys bildirdi

ASTANA. QazAqparat –Úkimettiń keńeıtilgen otyrysynda QR Prezıdenti Qasym-Jomart Toqaev Ekibastuz qalasynyń turǵyndaryna tehnogendik apat kezinde tózimdilik kórsetkeni úshin alǵys bildirdi, dep habarlaıdy QazAqparat tilshisi.

«Ekibastuzda bolǵan oqıǵa shynymen apat. Men bul qalanyń turǵyndaryna tózimdilik pen azamattyq jaýapkerlishilk tanytqany úshin alǵys bildirgim keledi», - dedi Memleket basshysy.

Sondaı-aq, ol eriktilerdiń eńbegin atap ótti.

«Volonterlerge jumysy úshin alǵys aıtamyn. Bul oqıǵa memlekettik organdar men tabıǵı monopolııalar sýbektileriniń jylytý maýsymyna jaýapsyzdyǵyn ashyq kórsetip berdi», - dedi Prezıdent.

Foto: «Pavlodarenergo» AQ