Prezıdent eki anaǵa «Altyn alqa» men «Kúmis alqa» tapsyrdy
Memleket basshysynyń qolynan eki ana tósbelgi aldy. Bireýi - Altynaı Sársenbaeva. Ol - Atyraý oblysynyń týmasy. 2000 jyly Qurmanǵazy aýdanynyń Baıda aýyldyq mektebin bitirgen. Búginde Hálel Dosmuxamedov atyndaǵy ýnıversıtettiń fılologııa fakýltetinde 4 kýrsta oqıdy. Jasy - 36-da. 2004 jyly turmysqa shyǵyp, búginde jeti balanyń anasy atanyp otyr. Jeke bıznesi bar. Joldasy ekeýi úı salyp, qazir sol jerde otbasymen birge turady.
Altynaıǵa «Altyn alqa» tósbelgisi tabystaldy. Al Mánshúk Mámbetovaǵa Prezıdent «Kúmis alqany» taqty. M.Mámbetova Ál-Farabı atyndaǵy Qazaq ulttyq ýnıversıtetinde jumys isteıdi. Dotsent ataǵy bar. Joldasy ekeýi alty balany tárbıelep otyr.
Aıta keteıik, búgin QR Prezıdenti Nursultan Nazarbaev Aqordada bir top áıelder qaýymymen kezdesti. Sol jerde Memleket basshysy barsha analar men qyz-kelinshekterdi 8 Naýryz - Halyqaralyq áıelder kúnimen quttyqtady.
«Ananyń qudireti sheksiz. «Onyń aldynda búkil dúnıe bas ıedi» dep tegin aıtylmasa kerek. Erte zamanda jaýlasqan jurttyń ortasyna ana aq jaýlyǵyn tastaǵan kezde soǵys toqtap, bitimge keletin bolǵanyn bilemiz. Dástúrimizdi barynsha saqtap kele jatqan biz áıel zatyn ásirese qadirleıtin xalyqpyz. Qazaq ulty qyz balany ár ýaqytta alaqanyna salyp, aıalap otyratyn. Bul saltymyz otbasy úshin buzylmas zańdylyqqa aınalyp keledi. «Ana» degen qasterli sózdi estigende tebirenbeıtin júrek joq, tolqymaıtyn kóńil bolmaıdy», - deıdi N.Nazarbaev.
Memleket basshysy kópbalaly otbasylarǵa kómek berý máselesin qozǵady.