Prezıdent Dúnıejúzilik klımat sammıtinde usynylǵan Qazaqstan pavılonyna bardy
Kórme elimizdiń mádenıetin, ınnovatsııalyq jáne ekologııalyq jobalaryn pash etedi. Keńistik tabıǵı materıaldardy paıdalana otyryp etnostılde bezendirilgen. Osylaısha uıymdastyrýshylar halqymyzdyń dástúrdi berik saqtaıtynyn ári ekologııalyq ustanymdy qoldaıtynyn kórsetken.
Prezıdentke jasyl sýtegin óndiretin Hyrasia One bolashaq zaýytynyń maketi tanystyryldy.
Budan keıin Memleket basshysyna Gúlfııa Meldeshtiń saıǵaq músinderi jáne otandyq ekologııalyq ónimder kórsetildi.
Pavılonǵa kelýshiler Qazaqstannyń bıoalýantúrliligi, sondaı-aq sırek kezdesetin nemese joıylyp ketý qaýpi tónip turǵan Turan jolbarysy, Prjevalskıı jylqysy, kıik jáne qar barysy sekildi túz taǵylaryn qaıta kóbeıtý maqsatynda elimizde qabyldanǵan sharalar jóninde maǵlumat alady.
Eske salaıyq, Prezıdent Qasym-Jomart Toqaev Dúnıejúzilik klımat sammıtine qatysý úshin Bakýdegi olımpıadalyq stadıonǵa bardy. Sosyn Memleket basshysy Bakýdegi Dúnıejúzilik klımat sammıtinde sóz sóıledi. Klımattyń ózgerýi jónindegi BUU-nyń negizdemelik konventsııasyna qosylýshy taraptardyń 29-shy konferentsııasy aıasynda QR Prezıdenti Qasym-Jomart Toqaev Fınlıandııa Prezıdenti Aleksandr Stýbbpen kezdesý ótkizdi. Sondaı-aq Qasym-Jomart Toqaev SOP29 cammıtinde birqatar eldiń basshylarymen áńgimelesti.
Búgin memleket basshysy «Ál-Azhar» ýnıversıtetiniń Joǵarǵy ımamy Ahmed at-Taıebpen áńgimelesti.
Sondaı-aq, Prezıdent Qasym-Jomart Toqaev BUU Klımattyń ózgerýi týraly negizdemelik konventsııasyna qosylýshy taraptardyń 29-shy konferentsııasy (SOP29) aıasynda Grekııa Premer-mınıstri Kırıakos Mıtsotakıspen kezdesý ótkizdi.
Dúnıejúzilik klımat sammıti aıasynda Qazaqstan men Soltústik Makedonııa qarym-qatynasty damytý jóninde ýaǵdalasty.