Prezıdent din kóshbasshylary sezin damytýdyń 2033 jylǵa deıingi tujyrymdamasyn ázirleýdi usyndy

NUR-SULTAN. QazAqparat – QR Prezıdenti Qasym-Jomart Toqaev Álemdik jáne dástúrli din kóshbasshylarynyń sezin damytýdyń 2023 jyldan 2033 jylǵa deıingi tujyrymdamasyn ázirleýdi usyndy, dep habarlaıdy QazAqparat tilshisi.

«Sondaı-aq, men Álemdik jáne dástúrli dinder lıderleri sezin damytýdyń 2023 jyldan 2033 jylǵa deıingi kezeńge arnalǵan tujyrymdamasyn ázirleý qajet dep esepteımin. Bul tujyrymdama bizdiń forýmnyń yqpalyn odan ári nyǵaıtý úshin naqty qadamdar men kezeńderdi qamtýy tıis», - dedi Memleket basshysy.

Prezıdent Qazaqstannyń sezd qyzmetine qoldaý kórsete beretinin atady.

«Bizdiń mindetimiz – órkenıetter arasynda ashyq dıalogti qamtamasyz etý jáne ilgeriletý, beıbitshilik pen turaqtylyqty nyǵaıtý. Sizderge taǵy da alǵysymdy bildirip, beıbitshilik, yntymaqtastyq jáne tózimdilik úshin birge jumys isteıik degen úndeý aıtqym keledi», - dedi Qasym-Jomart Toqaev.

Foto : t.me/bort_01