Prezıdent Dımashqa tazynyń kúshigin syılady

<p>Qasym-Jomart Toqaev ánshi Dımash Qudaıbergenge tazy kúshigin syılady, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Ol bul jańalyqty Instagram paraqshasynda jetkizdi.

«Dostar, tanysyp qoıyńyzdar, bul — meniń jańa dosym. Tabıǵattyń bul ǵajabyn, ıaǵnı tazy kúshigin maǵan Qasym-Jomart Kemeluly syılady. Tazy — bizdiń ultymyz úshin qundylyq, babadan qalǵan jeti qazynanyń biri. Qazirgi kúni Qazaqstanda tazyny saqtap qalýǵa jáne halyqaralyq dárejede moıyndaýǵa basa kóńil bólinip jatqany qýantady» dep jazdy qazaqstandyq oryndaýshy paraqshasynda.

Foto: ánshiniń Instagram paraqshasy

Onyń aıtýynsha, bul qazaqy tuqym tán sulýlyǵymen, ustamdylyǵymen erekshelenedi jáne óte aqyldy keledi.

«Ata-babamyz tazyny qasterlep, jaqsy kórgen. Bul ıt kıiz úıge erkin kire alǵan, bul onyń tazalyǵyn bildiredi. „Tazy“ ataýy parsy tilinen engen, maǵynasy — shapshań, epti. Osyndaı baǵa jetpes syılyq úshin Prezıdentimizge alǵys aıtamyn! Tazyny Ǵaryshker dep atadyq» dep jazady Dımash Qudaıbergen.

Foto: ánshiniń Instagram paraqshasy