Prezıdent: Biz úshin eń basty maqsat – azamattardyń amandyǵy

<p>ASTANA. KAZINFORM &ndash; Joıqyn sý tasqynynan buzylǵan úılerdi qalpyna keltirý, zardap shekken turǵyndardyń qalypty ómirge qaıta oralýyn qamtamasyz etý &ndash; dál qazir Prezıdent retinde meniń aldymda turǵan asa mańyzdy mindet. Bul týraly Memleket basshysy Qasym-Jomart Toqaev &laquo;Birlik. Jasampazdyq. Órleý&raquo; taqyrybymen ótip jatqan Qazaqstan halqy Assambleıasynyń kezekti HHHІІІ sessııasynda aıtty.</p>

«Barshańyz kýá bolyp otyrsyzdar, qazir álemde túrli tabıǵat apaty kóbeıip barady. Qazaqstan da úlken qaterge tap boldy. Elimizdiń kóptegen aımaqtarynda alapat sý tasqyny bolyp jatyr. Biz úshin eń basty maqsat – azamattardyń amandyǵy. Soǵan saı Úkimet barlyq qajetti is-áreketterdi jasap jatyr, tıisti qarajat bólindi, iri kompanııalar men bıznes ókilderi qol ushyn berýde. Osyǵan deıin de aıttym, joıqyn sý tasqynynan buzylǵan úılerdi qalpyna keltirý, zardap shekken turǵyndardyń qalypty ómirge qaıta oralýyn qamtamasyz etý – dál qazir Prezıdent retinde meniń aldymda turǵan asa mańyzdy mindet. Sondyqtan men elimizde buryn josparlanǵan halyqaralyq is-sharalardy qysqartý týraly naqty tapsyrma berdim», - dedi Memleket basshysy.

Prezıdent bıyl Astana halyqaralyq forýmy ótpeıtindigin atap ótti.

«Árıne, bul – elimizge qajet, óte mańyzdy jıyn. Degenmen ony keıinge qaldyra turýǵa bolady. Al kezek kúttirmeıtin kezdesýler men is-sharalardyń jóni bólek. Bul el ıgiligi úshin kerek», - dedi Qasym-Jomart Toqaev.