Prezıdent bıýdjet qarjysyn jumsamaı taldaý ortalyǵyn qurýdy usyndy

NUR-SULTAN. QazAqparat – QR Prezıdenti Qasym-Jomart Toqaev Prezıdent Ákimshiligi janynda áleýmettik-ekonomıkalyq reformalardy taldaý-monıtorıng ortalyǵyn qurýdy tapsyrdy, dep habarlaıdy QazAqparat tilshisi.

«Úkimet reformalardy ázirlep, olardy júzege asyrady, keıinnen óz jumysynyń sapasyn baǵalaıdy. Prezıdent Ákimshiligi janynda áleýmettik-ekonomıkalyq reformalardy taldaý-monıtorıng ortalyǵyn qurýdy tapsyramyn. Onyń quramyna Prezıdent Ákimshiligi qyzmetshilerinen bólek, ǵylymı jáne sarapshylyq qoǵamdastyq ókilderi enedi. Osy ınstıtýtty damytý deńgeıine qaraı ol Prezıdent janyndaǵy Reformalar boıynsha agenttikke ózgerýi múmkin. Ázirge, eshbir bıýdjettik shyǵyndarsyz Áleýmettik-ekonomıkalyq reformalardy taldaý jáne monıtorıng ortalyǵyn quryp kóreıik», - dedi Memleket basshysy Úkimettiń keńeıtilgen otyrysynda.