Prezıdent bıýdjet qarajatyn ıgerýde oryndalǵan jumystardyń sapasyna qatysty aıtty
Memleket basshysynyń aıtýynsha, bıýdjet deńgeıleri arasynda kiristerdi ádil bólý máselesi ózekti bolyp tur. Qatań fıskaldy ortalyqsyzdandyrý jaǵdaıynda kiristerdi bólý júıesi obektıvti emes.
«Tórt óńirden basqalary dotatsııalyq aımaqtarǵa aınalyp, ortalyqqa táýeldi bolyp otyr. Shyn máninde, olar salyqtyń jınalaýyn arttyrýǵa yntalandyrylmaǵan. Nátıjesinde, ózderinde jeke qarajattyń tapshylyǵy qalyptasyp otyr», - dedi Qasym-Jomart Toqaev.
Osy oraıda Prezıdent jergilikti bıýdjetter qajetti qarjylandyrý kóleminiń tek besten bir bóligin ǵana jaýyp otyrǵanyn aıtty.
«Al qalǵanyn ortalyqpen kelise otyryp qana alý múmkin bolýda. Men bul jaıynda osyǵan deıin pikir bildirgen edim», - dedi Memleket basshysy.
Sonymen qatar Prezıdent bıýdjet qarajatyn ıgerýde shyǵystardyń tıimdiligi men oryndalǵan jumystardyń sapasy ekinshi orynda qalyp otyrǵanyn aıtty.