Prezıdent Býrabaıdy damytý jospary 12 jyldan beri iske aspaǵanyn synǵa aldy

<p>ASTANA. KAZINFORM&nbsp;&mdash; Búgin Qasym-Jomart Toqaev týrızmdi damytý jóninde&nbsp;<a href="https://kaz.inform.kz/news/memleket-basshisi-turizmd-damitu-zhonnde-kenes-otkzd-c34dc1/" target="_blank" rel="noopener">keńes ótkizdi.</a> Memleket basshysy Şýche-Býrabaı kýrorttyq aımaǵyndaǵy tumsa tabıǵat, tarıhı jáne mádenı eskertkishter bizdiń biregeı baılyǵymyz ekenin atap ótti.</p>

— Býrabaı Astanadan alys emes. Sondyqtan elorda turǵyndary men qonaqtary bul jerge jıi barady. Týrıster sany jyldan jylǵa artyp kele jatyr. Degenmen onda ınfraqurylym salý jumysy óte baıaý júrip jatyr. Sonyń saldarynan jergilikti demalys oryndaryndaǵy ekologııalyq ahýal áli de kúrdeli. Jergilikti bılik mańyzdy ınfraqurylymdyq jobalardyń oryndalýyn sozbalańǵa salyp otyr. Mysaly, Şýche-Býrabaı kýrorttyq aımaǵyn damytý jospary tolyq júzege asqan joq. Bul qujat sonaý 2012 jyly qabyldanǵan. Jospar boıynsha 126 mıllıard teńge bólinýge tıis edi. Іs júzinde 35 mıllıard teńge berilgen. Bul — kózdelgen qarjynyń nebári 28 paıyzy. On jyldan astam ýaqyt ótti. Biraq demalys ornynda tazartý qondyrǵylary ornatylǵan joq. Sý jelileri men jylý kózderiniń qurylysy da tolyq bitpegen. Úkimet, Prezıdent Іs basqarmasy jáne oblys ákimdigi osy jobalardy kópke sozbaı, qysqa merzimde aıaqtaýǵa tıis, — dedi Memleket basshysy.

Úkimet pen jergilikti ákimdikke «Býrabaı» kýrortynyń aýmaǵynda ornalasqan «Aqbýra», Jókeı kóli, Qatarkól, Tekekól jáne basqa da jańa týrıstik aımaqtardy damytý, Býrabaı aımaǵyna Astana, Qaraǵandy, Pavlodar, Óskemen qalalarynan jedel qatynaıtyn poıyzdardy iske qosý, Prezıdent Іs basqarmasy ázirlep jatqan «Burabay Travel» biryńǵaı tsıfrlyq platformasynda mańaıdaǵy týrıstik aımaqtardy túgel qamtý mindetteri júkteldi.

Memleket basshysy Qazaqstan týrızmin nasıhattaý úshin zamanaýı quraldardy belsendi qoldaný qajet dep sanaıdy.