Prezıdent brakonerlikpen kúresken Almaty oblysynyń ınspektoryna alǵys bildirdi

NUR-SULTAN. QazAqparat - Qazaqstannyń Ekologııa, geologııa jəne tabıǵı resýrstar mınıstri Maǵzum Myrzaǵalıev Almaty oblysy janýarlar men ósimdikter dúnıesi ınspektsııasy bóliminiń basshysy Leonıd Sıdorenkoǵa Memleket basshysynyń atynan alǵys hat tapsyrdy. Bul týraly QazAqparat mınıstrliktiń baspasóz qyzmetine silteme jasap habarlaıdy.

«Búgin el Prezıdentiniń tapsyrmasymen, Almaty oblysyna jumys sapary barysynda Prezıdentimiz Qasym-Jomart Toqaevtyń atynan oblystyq janýarlar men ósimdikter dúnıesi ınspektsııasy bóliminiń basshysy Leonıd Sıdorenkoǵa alǵys hat tapsyrdym», - dep jazdy M.Myrzaǵalıev óziniń Twitter-degi paraqshasynda.

«Memleket basshysy ınspektordyń respýblıkamyzdyń tabıǵı baılyǵyn saqtaýǵa qosqan aıryqsha úlesin atap ótti. Leonıd Pavlovıch 30 jylǵa jýyq ýaqyttan beri ınspektsııada tabandy eńbek ete júrip, brakonerlikpen ymyrasyz kúres júrgizip keledi. Qylmystyq isterdi ashýǵa da qatysýda», - dep atap ótti mınıstr.

Ekologııa mınıstrliginiń basshysy ınspektorǵa «qazaqstandyqtardyń tuma tabıǵattyń kórikti kelbetin tamashalaýyna múmkindik týǵyzyp júrgen aıryqsha eńbegi úshin» rızashylyq bildirdi.