Prezıdent «Bolashaq» halyqaralyq stıpendııasynyń 30 jyldyǵymen quttyqtady

<p>Prezıdent Qasym-Jomart Toqaev &laquo;Bolashaq&raquo; halyqaralyq stıpendııasynyń 30 jyldyǵyna arnalǵan saltanatty forým qatysýshylaryna quttyqtaý hatyn joldady, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform</a> Aqordanyń<a href="https://t.me/aqorda_resmi" target="_blank" rel="noopener"> baspasóz</a> qyzmetine silteme jasap.</p>

Qurmetti Forýmǵa qatysýshylar!

Barshańyzdy «Bolashaq» halyqaralyq stıpendııasynyń belgilengenine 30 jyl tolýymen quttyqtaımyn!

Bul – Qazaqstannyń ár túkpirindegi daryndy jastarǵa jol ashqan teńdessiz baǵdarlamanyń mereıli belesi. Osy biregeı joba memleketimizde ozyq oıly ári bilikti kadrlar rezervin qalyptastyrýǵa zor septigin tıgizdi.

«Bolashaq» baǵdarlamasynyń myńdaǵan túlegi búginde túrli saladaǵy oń ózgeristiń jarshysy bolyp, elimizdiń ıgiligi úshin tabysty eńbek etip júr.

Qazir Qazaqstandy órkendete túsý úshin tyń serpilis qajet. Bizdiń aldymyzda el ekonomıkasynyń qurylymyn qaıta túzý, saıası júıeni odan ári jańǵyrtý jáne shyn máninde ádiletti ári ınklıýzıvti qoǵam qalyptastyrý sııaqty aýqymdy mindetter tur. Osy oraıda bilim berý salasyna ınvestıtsııa salý jáne azamattardyń óz áleýetin tolyq paıdalanýyna múmkindik jasaý óte mańyzdy.

Memleket adal azamatqa tán qasıetterdi boıyna sińirgen daryndy, eńbekqor, talapty jastardy árdaıym qoldaıdy.

«Bolashaq» baǵdarlamasynyń túlekteri ǵana emes, elimizdegi barlyq jas mamandar Qazaqstandy jan-jaqty jańǵyrtý jolyndaǵy keleli iske óz úlesin qosady dep senemin.

Barshańyzǵa baq-bereke, tolaǵaı tabys tileımin!