Prezıdent bilim alǵan qytaılyq ýnıversıtettiń fılıaly Astanada ashylady

<p>ASTANA. KAZINFORM &ndash; QR Ǵylym jáne joǵary bilim mınıstri Saıasat Nurbek Beıjiń Til jáne mádenıet ýnıversıtetiniń Astanadaǵy fılıaly ashylatynyn málimdedi. Bul JOO-da Prezıdent Qasym-Jomart Toqaev qytaı tilin úırengen.</p>

«QHR tóraǵasynyń sapary aıasynda bizde Beıjiń Til jáne mádenıet ýnıversıtetiniń fılıaly ashylady. Bul –Qytaıdyń lıngvıstıkalyq, aýdarma jáne pedagogıkalyq jetekshi ýnıversıteti. Ony «Qytaıdaǵy BUU» dep te ataıdy. Bul ýnıversıtettiń bas túlegi – bizdiń Prezıdent Qasym-Jomart Kemeluly. Prezıdent sol jerde qytaı tilin úırengen. Resmı ashylý shilde aıynyń basynda bolady jáne munda alǵashqy HSK sertıfıkattaý ortalyǵy ashylady. Bul – TOEFL nemese IELTS sııaqty qytaılyq sertıfıkat. Sondyqtan qytaı tilin úırenetinderge eshqaıda barýdyń qajeti joq, Astanada synaq tapsyra alady», - dedi mınıstr Saıasat Nurbek.

Aıta keteıik, jańa ýnıversıtet fılıaly EKSPO aýmaǵynda ornalasqan.