Prezıdent: Bizdiń eldegi ishki naryqty qorǵaý deńgeıi tómen

ASTANA. QazAqparat – Ulttyq bıznestiń múddesin qorǵaý kerek. Bul týraly búgin Qazaqstan halqyna Joldaýyn jarııalaý kezinde Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Qazir kóptegen elder ishki naryqty qorǵaý sharalaryn belsendi qoldanady. Damyǵan memleketterdiń ózi protektsıonıstik ónerkásip saıasatyna kóshti. Dúnıejúzilik saýda uıymynyń baǵalaýynsha, bizdiń eldegi ishki naryqty qorǵaý deńgeıi tómen, nebári 128 tarıftik emes shara. Sondyqtan, biz saýda-sattyq saıasatynda jańa ári batyl qadam jasaýymyz kerek», - dedi Qasym-Jomart Toqaev.

Prezıdent otandyq óndiristerdi qoldaý taqyrybyna toqtaldy.

«Memleket otandyq ónim óndirýshilerdi qorǵaýǵa mindetti. Bul – bizdiń ekonomıkamyz ózgeler úshin jabyq degen sóz emes. Ekonomıkamyz basqa elderge árdaıym ashyq bolýǵa tıis. Biraq ulttyq bıznestiń múddesin qorǵaý kerek», - dedi Memleket basshysy.