Prezıdent birqatar áskerı qyzmetshini marapattady

ASTANA. QazAqparat – Búkilarmııalyq keńeste Prezıdent – Joǵarǵy Bas qolbasshy Qasym-Jomart Toqaev erligi men janqııarlyǵy, eldiń ulttyq qaýipsizdigi men qorǵanys qabiletin qamtamasyz etýge, zańdylyq pen quqyq tártibin nyǵaıtýǵa qosqan úlesi úshin birqatar áskerı qyzmetshini marapattady, dep habarlaıdy QazAqparat tilshisi.

Atap aıtqanda, Memleket basshysy III dárejeli «Aıbyn» ordenin Ulttyq qaýipsizdik komıtetiniń Shekara qyzmeti Túrkistan oblysy boıynsha departamentiniń aǵa nusqaýshysy Qýanysh Babaqulovqa tabystady.

Al «Erligi úshin» medali Qazaqstan Respýblıkasy Ulttyq ulanynyń 6654 áskerı bóliminiń vzvod komandıri Baıseıit Lısbaev Tótenshe jaǵdaılar mınıstrligi Batys Qazaqstan oblysy Tótenshe jaǵdaılar departamenti órt sóndirý jáne avarııalyq-qutqarý jumystary qyzmeti №1 mamandandyrylǵan órt sóndirý bóliminiń bólimshe komandıri Danııar Rahmatalıevke berildi.

Munan bólek, «Jaýyngerlik erligi úshin» medalimen Qorǵanys mınıstrliginiń 19033 áskerı bólimi mınasyzdandyrý bólimshesiniń komandıri Meıir Aldabergenev pen Memlekettik kúzet qyzmetiniń jedel ýákili Dáýren Ramazan marapattaldy.

Buǵan deıin Qorǵanys mınıstrligine qarasty oqý oryndary pedagogteriniń jalaqysy ósetini belgili bolǵan edi.