Prezıdent bir-eki kósheni jyl saıyn qaıta-qaıta jóndeı beretinderdi synady

NUR-SULTAN. QazAqparat - Jergilikti bıýdjetterdi bekitý barysynda baqylaýdy kúsheıtý qajet. Bul týraly Memleket basshysy Qasym-Jomart Toqaev Qazaqstan halqyna jyl saıynǵy dástúrli Joldaýynda málim etti, dep habarlaıdy QazAqparat tilshisi.

«Asa mańyzdy máseleniń biri – aımaqtardy bıýdjetten qarjylandyrý modelin ázirleý. Bul rette ortalyq pen óńir arasyndaǵy qarym-qatynastan bólek, qarajattyń óńir ishinde bólinýine aıryqsha nazar aýdarý kerek. Jergilikti bıýdjetterdi bekitý barysynda baqylaýdy kúsheıtý qajet», - dedi Memleket basshysy.

Q. Toqaevtyń aıtýynsha, bólingen qarajat kóp jaǵdaıda turǵyndardyń shynaıy qajettiligine jumsala bermeıdi.

«Bir-eki kósheni jyl saıyn qaıta-qaıta jóndeı berý, ımıdjdik sharalarǵa jumsalatyn tıimsiz shyǵyndar azamattarymyzdyń narazylyǵyn týdyrýda. Bul –oryndy», - dedi Prezıdent.