Prezıdent bilim berýge yntalandyrý tetikterin kúsheıtýdi tapsyrdy
«STEAM- bilim berýdi belsendi engizý kerek. ıAǵnı ol jaratylystaný ǵylymdaryn, tehnologııalardy, ınjenerııa men matematıkany bildiredi. Bul pánder zamanaýı álemde talap etilip keledi», - dep toqtaldy Elbasy.
Osy oraıda Prezıdent atalǵan baǵyttarǵa erekshe kóńil bólýdiń arqasynda ónertapqyshtar men jańalyqtardy ashýǵa beıim urpaq qalyptasyp kele jatqanyn atap ótti.
«Dál osy býyn bolashaqta eldiń básekege qabilettiliginiń artýyna yqpal etedi. Ózderińiz bilesizder, 2050 jylǵa qaraı Qazaqstannyń eń damyǵan 30 eldiń qataryna enýi maqsatyn qoıdym. Bul turǵyda oqýshylardy daıarlaýdy yntalandyrý tetigin kúsheıtip, bilim ıntegratsııasyn qamtamasyz etý qajet», - dedi Nursultan Nazarbaev.
Sonymen qatar Prezıdent jastar shet tilderin meńgerýge kóńil bólýi kerektigin atap ótti.
Budan buryn habarlanǵandaı, búgin «Nazarbaev Zııatkerlik mektepteri» derbes bilim berý uıymynyń 10 jyldyǵyna arnalǵan forýmda QR Prezıdenti Nursultan Nazarbaev jastarǵa óz keńesin berdi.
Prezıdent ár aımaqtaǵy kez kelgen daryndy perzent Nazarbaev Zııatkerlik mektepterinde qabiletin shyńdaı alatyndyǵyn atap ótti.
Aıta keteıik, forým barysynda 17 jyl buryn Elbasynyń batasyn alǵan Abylaı Satylhan elge qyzmet etýge ýáde berdi.