Prezıdent belgili túrkolog Qarjaýbaı Sartqojanyń jaqyndaryna kóńil aıtý jedelhatyn joldady

<p>ASTANA. KAZINFORM - Memleket basshysy akademık, belgili túrkitanýshy Qarjaýbaı Sartqojaulynyń otbasy men jaqyn týystaryna kóńil aıtý jedelhatyn joldady, dep habarlaıdy Aqordanyń baspasóz qyzmeti.&nbsp;</p>

Prezıdent Qasym-Jomart Toqaev kórnekti tarıhshy, etnograf ǵalym, shyǵystanýshy, «Qurmet» ordeniniń ıegeri, akademık Qarjaýbaı Sartqojaulynyń dúnıeden ótýine baılanysty onyń otbasy men jaqyn týystaryna kóńil aıtty.

– Qarjaýbaı Sartqojauly bar sanaly ǵumyryn túrki dúnıesiniń tarıhyn túgendeýge, ult rýhanııatynyń kókjıegin keńeıtýge arnaǵan zerdeli ǵalym boldy. Ǵylymǵa shyn berilgen qarapaıym bolmysymen bitiktas bilgiri atandy. Іrgeli eńbekter jazyp, ulaǵatty urpaq tárbıeledi. Qarymdy qalamger retinde oqyrman qaýymǵa oıly shyǵarmalar usyndy. Sońyna rýhanı mol mura qaldyrǵan Qarjaýbaı Sartqojaulynyń jarqyn beınesi halqymyzdyń júreginde máńgi saqtalady.
Marqumnyń ımany salamat, jany jánnatta bolsyn, – dep jazylǵan jedelhatta.