Prezıdent bastamalaryn naqty oryndaý úshin Májilis birqatar zańǵa ózgeris engizedi

<p>ASTANA. KAZINFORM — Memlekettik keńesshi Erlan Qarın Parlament Májilisindegi alty saıası partııanyń fraktsııa jetekshilerimen kezdesý ótkizdi.</p>

Іs-sharaǵa Amanat partııasy fraktsııasynyń jetekshisi Elnur Beısenbaev, «Aýyl» halyqtyq-demokratııalyq patrıottyq partııasy fraktsııasynyń jetekshisi Serik Egizbaev, Respublica partııasy fraktsııasynyń jetekshisi Aıdarbek Qojanazarov, «Aq jol» Qazaqstan demokratııalyq partııasy fraktsııasynyń jetekshisi Azat Perýashev, Qazaqstan Halyq partııasy fraktsııasynyń jetekshisi Magerram Magerramov, Jalpyulttyq sotsıal-demokratııalyq partııasy fraktsııasynyń jetekshisi Ashat Raqymjanov, sondaı-aq Prezıdenttiń Parlamenttegi ókildiginiń basshysy Ámirbek Ospanbekov qatysty.

Foto: Aqorda

Basqosýǵa qatysýshylar Ulttyq quryltaıdyń «Adal adam — Adal eńbek — Adal tabys» atty úshinshi otyrysynda Memleket basshysy bergen tapsyrmalar men bastamalardy tıimdi júzege asyrý joldary men tásilderi jóninde pikir almasty.

Memlekettik keńesshi Prezıdenttiń kóptegen bastamasyn naqty oryndaý úshin zańnamalyq turǵydan qoldaý kórsetý jáne oǵan depýtattardyń belsendi atsalysýy qajet ekenin atap ótti.

Eń aldymen, esirtki óndirý, lýdomanııa, vandalızm, turmystyq zorlyq-zombylyq úshin jaýapkershilikti kúsheıtý, sondaı-aq memlekettik nagradalar, onomastıka, arheologııalyq qyzmet týraly jáne basqa da zańdarǵa túzetý engizý qajet.

Jıynda onomastıka, esirtkige jáne vandalızmge qarsy kúres týraly zań jobalary Májilistiń qaraýynda, al turmystyq zorlyq-zombylyqqa qarsy kúres týraly zańdy Májilis qabyldap, qujattyń Senatqa jiberilgenine nazar aýdaryldy.

Bul rette vandalızm degenimiz eskertkishter men tabıǵı nysandardy ǵana emes, qoǵamdyq oryndaǵy múlikti de búldirý ekenine basa mán berildi.

Depýtattar vandalızm jáne basqa da turmystyq quqyq buzýshylyqtar úshin jazany qatańdatý qajettigin aıtty. 

Sondaı-aq fraktsııa jetekshileri Prezıdent usynǵan jalpyulttyq qundylyqtardy dáripteýge qatysty usynystaryn ortaǵa saldy.