Prezıdent baspana máselesi týraly: Memleket shyn muqtaj adamdarǵa ǵana járdem beredi

ASTANA. QazAqparat – Memleket basshysy Qasym-Jomart Toqaev VIII saılanǵan Qazaqstan Respýblıkasy Parlamentiniń birinshi sessııasynda halyqty baspanamen qamtý saıasaty qalaı jalǵasatynyn aıtty, dep habarlaıdy QazAqparat tilshisi.

«Halyqtyń basym kópshiligi úshin turǵyn úı – eń ózekti másele. Maǵan azamattardan kún saıyn júzdegen ótinish keledi. Onyń ishinde qoljetimdi baspanamen qamtamasyz etýdi suraǵan hat óte kóp. Bul túıtkil memleket tarapynan múmkindiginshe sheshilip jatyr. Taǵy da qaıtalap aıtamyn, memleket shyn muqtaj adamdarǵa ǵana járdem beredi», - dedi Qasym-Jomart Toqaev.

Prezıdenttiń paıymynsha, turǵyn úı saıasaty naryqtaǵy ahýalǵa tyǵyz baılanysty.

«Sondyqtan, biz osy saladaǵy saıasatymyzdy qaıta qarap, onyń meılinshe ádil ári ıkemdi bolýyn qamtamasyz etýimiz kerek», - dedi Memleket basshysy.