Prezıdent: Barlyq memlekettik qyzmetshiden óz jumysyn adal atqarýdy talap etemin

ASTANA. QazAqparat – Qolynan is keletin jáne elge berile qyzmet jasaıtyn azamattarǵa ǵana ortamyzda oryn bar. Bul trýly ulyqtaý rásiminde Qazaqstan Respýblıkasynyń Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Basqa mańyzdy ári ózekti máseleler boıynsha sheshimderdi keıinirek jarııalaımyn. Taǵy da qaıtalap aıtamyn, alda atqaratyn sharýa kóp. Bul – jeńil jumys emes, biraq elge paıdasy tıetin qyzmet. Men búkil memlekettik apparattan osy mindetti abyroımen oryndaýdy talap etemin. Qolynan is keletin jáne elge berile qyzmet jasaıtyn azamattarǵa ǵana ortamyzda oryn bar», - dedi Q. Toqaev.

Osy oraıda Memleket basshysy óz isine adal adamdarǵa qoldaý kórsetiletinin, qoǵam olarǵa qurmet bildiretinin atap ótti.

«Halqymyzdyń naqyl sózin sál túrlendirip aıtsaq: «Baılyq pen mansap – qolǵa ustaǵan muz, erıdi de ketedi. Al, elge jasaǵan qyzmet – artta qalǵan iz, ol urpaqtan urpaqqa jetedi». Osyny ár azamat túsinýi kerek. El múddesi – bárinen bıik. Men barlyq memlekettik qyzmetshiden óz jumysyn adal atqarýdy talap etemin», - dedi Prezıdent.